نموذج من المجتمع

داك بنادم ليكاينعس 2-4 ساعات من أصل 24 ساعة عينيه من لتحت ولاو كحلين مشعكك مكايدير والو ولكن ممساليش .. هضرة ديالو قليلة ديما مكونكطي ولكن مكايهضر مع حد كايبغي يوصل الليل بزربة مكايضحكش بزاف وفنفس الوقت اقدر يضحك على والو دوك القيم ديال يسامح ينسى مكايعرفهمش حيث أصلا مكيتسوقش لكيت ديما فودنيه وكايسها بزاااف .. كايبان ليك فرحان حيث لامبالي بالمحيط ولكن العكس هاز كاع ليديطاي دصحابو فعقلو ومتقلين على قلبو، كاينتابه لأبسط التصرفات ديالهم .. كايحللهم ويبقا ساكت.. لاتعصب كتبان عليه حيث كايفجرها فلداخل ديالو حيت متيعرفش ينافق .. ماشي مهمل ولا بارد ولا مقموع ولا مكلخ ولا قاسي .. لا هاد بنادم عندو عقد من قوة الصدمات والخيبات ليداز منها وتآثر بيهم ومكيتأثر غا الحساس .. ماشي فقد الرغبات فعلاقات جداد، هو داز وشاف وعاف .. غير بقدرة الصدف دار صحاب .. صدق منهم البعيد وخسر منهم القريب وعرف الكياض و الرجال
ماشي بنادم لي طلع ليه فراسو .. لا لكن فكر مع راسو وشاف ايلا تعمق فبنادم اينساا راسوو
حاول متقلقش مثل هاد الأشخاص حيت لقجرتي عليه بكلمة ممكن يجرحك وجوابو قاصح
أحسن حاجة فيه أنه تيدير غير لتيرتاح فيها بيس ومتتسوقش